5.10 Si mund të jepen sakramentet në një urgjencë?

Kaq të rëndësishme janë sakramentet, saqë mund të merren urgjentisht në gjendje emergjence, veçanërisht kur rreziku për të vdekur është i vërtetë. Që nga fillimet e Kishës, prifti thirrej për t’u lutur mbi personin e sëmurë (Jak 5:14).

• Personi i sëmurë mund t’i rrëfejë mëkatet e veta priftit dhe të marrë faljen e Zotit dhe zgjidhjen në Pajtim.
• Krezmimi, në gjendje emergjence, mund të jepet nga prifti duke i vendosur duart dhe duke e lyer me krizëm.
• Vajimi i të sëmurit i jep forcë personit të sëmurë e atij që është duke vdekur dhe bën faljen e mëkateve. Nëse ekziston rreziku i infektimi, prifti mund ta bëjë vajimin duke përdorur një shkop, ose një instrument tjetër.
• Sakramenti i fundit është Eukaristia. E quajmë këtë Kungim të fundit në shtratin e vdekjes - viaticum, ushqim për rrugëtimin. Nëse është e nevojshme, ky mund të jetë Kungim shpirtëror.
• Në emergjencë, secili mund të pagëzojë me ujë, për sa kohë qëllimi është të kryejnë një Pagëzim të krishterë.
• Martesa ose Urdhri Shenjt mund të merren në shtratin e vdekjes në raste ekstreme.

Shiko edhe aplikacionin Në Twitter me ZOTIN [>Resources>The Tweeting with GOD App]: Mesha & Lutjet > Lutjet katolike > Tab 7: Lutjet e priftërinjve.